Bu gün müasir Azərbaycan jurnalistikasının sütunlarından biri, mətbuat tədqiqatçısı, Bakı Dövlət Universitetinin professoru Şirməmməd Hüseynovun doğum günüdür.

Axar.az xəbər verir ki, canlı ensiklopedik biliyə malik olan jurnalistin 91 yaşı tamam olur.

Ş.Hüseynov 1941-1943-cü illərdə Şəki şəhəri Müəllimlər İnstitutunda fizika-riyaziyyat fakültəsində təhsil alıb. 1950-ci ildə BDU-nun Filologiya-jurnalistika şöbəsini bitirib. Daha sonra 1950-1954-cü illərdə M.V.Lomonosov adına Moskva Dövlət Universitetinin Jurnalistika fakültəsinin aspirantura şöbəsində oxuyub.

Əmək fəaliyyətinə 1954-cü ildən BDU-da başlayıb. Hazırda BDU-nun mətbuat tarixi kafedrasının professoru vəzifəsində çalışır.

2014-cü ildə Prezindet İlham Əliyevin sərəncamı ilə "Şərəf" ordeni ilə təltif edilib.

Axar.az saytı olaraq Şirməmməd müəllimi doğum günü münasibətilə təbrik edir, cansağlığı arzu edirik.