Bu gündən etibarən ASAN Radio 100 MHz tezliyində test yayımına başlayıb.

Axar.az xəbər verir ki, radionun yaradılmasında əsas məqsəd dövlət xidmətləri sahəsində ixtisaslaşmış radionun formalaşdırılması və daha geniş auditoriyaya çıxış əldə etməkdir. Həmçinin düzgün məlumatlandırma və maarifləndirmə işinin həyata keçirilməsi nəzərdə tutulub.

Eyni zamanda, dövlət strukturlarına etimadın gücləndirilməsi əsas məqsədlər sırasındadır.

İlkin yayım zamanı radionun əsas fəaliyyət istiqamətlərinə dair dinləyicilərə qısa anonslar vasitəsilə məlumatlar veriləcək. Hazırda yayım əsasən Bakı və Abşeron yarımadasını əhatə edir.

Ən qısa zamanda ASAN Radio ümumrespublika yayımını gerçəkləşdirəcək.

Qeyd edək ki, radio Prezident İlham Əliyevin tapşırığına əsasən yaradılıb.