Aksiz markası olmayan spirtli içkilərin və siqaretlərin qaçaqmal yolu ilə ölkəyə gətirilməsinin qarşısı alınıb.

Bu barədə Axar.az-a Dövlət Gömrük Komitəsindən xəbər verilib.

Tovuz Gömrük İdarəsinin əməkdaşları Sınıq Körpü gömrük postunda bu faktları aşkarlayıb.

Elmir Musayevin maşınından 124 ədəd 1 litrlik "Russkiy standart", Fuad Ocaqverdiyevin avtomobilindən 58 ədəd 1 litrlik və 9 ədəd 0,5 litrlik "Nemirov" araqları tapılıb.

Rövşən Atakişiyevin maşınından 16400 ədəd "Marlboro", 11400 ədəd "Marlboro taç", 7200 ədəd "Parlament" və 4800 ədəd "Vinston" siqaretləri aşkar olunub. Teymur Əliyevin maşınından isə 3000 ədəd "Marlboro" siqareti tapılıb.

Hazırda araşdırma aparılır.