Biləsuvarda Tofiq Eyvazova məxsus mağaza qarət olunub.

Bu barədə Axar.az-a Daxili İşlər Nazirliyinin mətbuat xidmətindən məlumat verilib.

Dükandan ərzaq məhsulları və tütün məmulatı oğurlamış həmyerliləri Elsevər Rzayev və əvvəllər məhkum olunmuş Heydər Qasımov tutulublar.

Onların Şəhadət Mirzəyevə və Balayar Teymurova məxsus "KamAZ" markalı avtomobillərdən, Səbuhi Qurbanova məxsus mağazadan, habelə rayonun Xırmandalı kənd sakini Cəmil Kazımova məxsus mağazadan oğurluq etmələri də müəyyən edilib.

Balakəndə isə Rüstəm İbadova məxsus mağazadan oğurluq olub. Həmyerliləri Əhməd Musayev və əvvəllər məhkum olunmuş Kamran Vasayev tutulublar. Ə.Musayevin daha 5 mağazadan oğurluq etməsi də müəyyən edilib.

Zaqatalada da oğrular yaxalanıb. Rayon sakini Nurəddin Yumuxanova məxsus 9 baş qoyunu oğurlamış həmyerlisi Hacımurad Adamov, İsmayıllı rayon sakini Vüsal Ziliyev, Bakı sakinləri Tofiq Novruzov və Elçin Məhərrəmli tutulublar.