Yevlaxda qardaşın bacısını öldürməsinin bəzi detalları məlum olub.

Axar.az-ın xəbərinə görə, Veys Hüseynov Ahu Hüseynovanı qısqanclıq zəminində qətlə yetirib.

Şəhərdəki 2 saylı musiqi məktəbində çalışan qadın haqda dolaşan xəbərlər qardaşını təngə gətirib. Bir müddət əvvəl ərindən boşanan Ahu barəsində müxtəlif söz-söhbətlər yayılmağa və Veysin qulağına çatmağa başlayıb.

Veys isə bacısı ilə bu məsələləri aydınlaşdırmayıb və ondan yayılan şayiələr haqda heç bir soğru-sual etməyib. Gəzən məlumatlardan qəzəblənən qardaş bacısını musiqi məktəbinin qabağında öldürüb. Mərhumənin iki övladı var. Artıq qətli törədən şəxs həbs olunub.