Biləsuvarda silsilə oğurluq edən şəxslər tutulub.

Report xəbər verir ki, rayon sakini Cəmil Xudaverdi oğlu Kazımov oğurluq edildikdən sonra mağazasnın yandırıldığı barədə polis şöbəsinə müraciət edib.

Biləsuvar Rayon Polis Şöbəsinin (RPŞ) əməkdaşları tərəfindən keçirilən əməliyyat-axtarış tədbirləri nəticəsində rayonun Zəhmədabad kənd sakinləri Elsevər Tahir oğlu Rzazadə və Heydər Müslüm oğlu Qasımlı şübhəli şəxs qismində saxlanılaraq şöbəyə gətirilib. ilkin dindirilmə zamanı məlum olub ki, həmin şəxslər Cəmil Kazımova məxsus ərzaq mağazasına daxil olaraq 5200 manat dəyərində ərzaq məhsulları oğurlayıb.

Onlar izi itirmək məqsədi ilə mağazaya od vuraraq yandırmaqla mağaza sahibinə 15 min manat maddi ziyan vurublar.

Bundan başqa E.Rzazadə və H.Qasımlı müxtəlif vaxtlarda rayonun Əliabad, Xırmandalı, Çinarlı və digər kəndlərindən də silsilə oğurluq etdikləri də məlum olub.

Faktla bağlı cinayət işi açılıb, araşdırma aparılır.