Bakıda anası ilə birgə öldürülən şirkət rəhbərinin videosu yayılıb.

Axar.az-ın məlumatına görə, "Biznes Dialoq" konsaltinq-biznes xidmətləri şirkətinin rəhbəri Aleksandr Məhərrəmovun insanlarla necə ünsiyyət qurmaq barədə çıxışı Yutub sosial şəbəkəsinə yerləşdirilib.

Firma rəhbəri "Tanış ol, yardım et, birləşdir" şüarı altında keçirilən mühazirədə çıxış edib və əhatə dairəsini genişləndirməyin uğurlu yollarından danışıb.

Qeyd edək ki, A.Məhərrəmov anası Janna Məhərrəmova ilə birgə yaşadığı evdə qətlə yetirilib. Hadisə paytaxtın Molla Cümə küçəsindəki mənzildə qeydə alınıb. Şirkət rəhbəri həm də "Business-dialogue.az" saytının təsisçisi olub. Hazırda qətllə bağlı hüquq-mühafizə orqanları araşdırmaları davam etdirir.