Ana səhifə Toplum |
11:13
Bakıda universitetdən içərisi pulla dolu seyfi oğurlayan dəstənin bir üzvü tutulub.
Nərimanov rayon Polis İdarəsindən APA-ya verilən məlumata görə, həyata keçirilən tədbirlər nəticəsində bir neçə gün əvvəl Odlar Yurdu Universitetindən içərisində 500 min manat olan seyfi oğurlayan 4 nəfərdən ibarət dəstənin üzvlərindən biri - 25 yaşlı Sübhan Ələkbərov saxlanılıb. Hazırda polis dəstənin digər 3 üzvünün tutulması istiqamətində əməliyyat axtarış tədbirlərini davam etdirir.
Qeyd edək ki, məlum hadisə yanvarın 9-da qeydə alınıb. Odlar Yurdu Universitetindən içərisində 500 min manat olan seyf naməlum şəraitdə oğurlanıb.
***
Ə. Vəliyev APA-ya açıqlamasında faktı təsdiqləyib.
O qeyd edib ki, oğurlanan pullar universitetin kollektivinin maaşının verilməsi üçün bankdan götürülən vəsait olub.
"Hadisəni törədənlərin hamısı məlumdır, artıq tutulanlar da var", - rektor bildirib.
Qeyd edək ki, Əhməd Vəliyev Axar.az-a verdiyi açıqlamasında pulların oğurlanmasını təkzib etmişdi.
Tarix
2016.01.25 / 12:51
|
Müəllif
Axar.az
|