Dələduzluqdan əziyyət çəkən vətəndaş DİN-in "102 mərkəzi"nə müraciət edə bilərlər.

Bu sözləri Axar.az-a Daxili İşlər Nazirliyinin mətbuat xidmətinin rəis müavini Ehsan Zahidov Nizami rayonundakı 8-ci kilometr bazarında baş verən dələduzluq hadisəsinin videoyazısına münasibət bildirərkən deyib.

DİN rəsmisinin sözlərinə görə, fırıldaqçılıqla mübarizə tədbirləri davam etdirilir:

"Təkcə 8-ci kilometr bazarında yox, ümumiyyətlə, ölkənin hər bir yerində kimsə fırıldağın, dələduzluğun qurbanı olubsa, bu əməllərdən əziyyət çəkibsə, aidiyyəti üzrə polis bölmələrinə və "102 mərkəzi"nə məlumat versin. Hadisə ilə bağlı dərhal müvafiq tədbirlər görüləcək".

Xatırladaq ki, Bakıda vətəndaşları aldadan pul fırıldaqçıları ilə bağlı Musavat.com xüsusi araşdırma materialı dərc edib. Materialda Nizami rayonundakı 8-ci kilometr bazarında müştərilərin pulunu oğurlayan satıcılarla bağlı süjet əksini tapıb.