Oğurluğa cəhd göstərən Sumqayıt sakini tutulub.

Daxili İşlər Nazirliyinin mətbuat xidmətindən Axar.az-a verilən məlumata görə, fevralın 6-da, saat 09 radələrində Binəqədi rayonu ərazisində yaşayan Elnurə Novruzovanın mənzilindən Baş Mühafizə İdarəsinə həyəcan siqnalı daxil olub.

Hadisə yerinə gələn Binəqədi Rayon Mühafizə İdarəsi əməkdaşları tərəfindən oradan oğurluğa cəhd göstərmiş Sumqayıt şəhər sakini Əfsanə Muxtarova saxlanılıb.

Araşdırma aparılır.

Digər bir oğurluğa cəhd hadisəsi isə Göradil qəsəbəsində qeydə alınıb.

Masallı rayon sakini Qubad İbadov və paytaxt sakini, əvvəllər məhkum olunmuş Mirhəşim Seyidov fevralın 6-da, saat 02 radələrində Göradil qəsəbəsində yaşayan Bakı şəhər sakini Elmira Ağayevaya məxsus bağ evində oğurluq etməyə cəhd göstəriblər.

Abşeron Rayon Mühafizə İdarəsi və PPXB-nin əməkdaşları tərəfindən cinayətin qarşısı alınıb.