Bu gün Bakı Ağır Cinayətlər Məhkəməsində qətldə təqsirləndirilən iki şəxsin cinayət işi üzrə proses yekunlaşıb.

Axar.az-ın məhkəmədə iştirak edən əməkdaşının verdiyi xəbərə görə, hakim Faiq Qəniyevin sədrliyi ilə keçirilən prosesdə 1963-cü il təvəllüdlü Mirələkbər Səttarov və 1990-cı il təvəllüdlü Xətai Şirinov hər biri 18 il müddətinə azadlıqdan məhrum edilib.

Qeyd edək ki, qətl 2014-cü ilin noyabrın 19-da, saat 22 radələrində, Sabunçu qəsəbəsindəki A.Əsədullayev küçəsində baş verib. Qəsəbə sakini,1991-ci il təvəllüdlü Nihad İsmayılov evinin hamamında baltalanaraq qətlə yetirilib.

M.Səttarov qətli münaqişə zəminində törətdiyini bildirib.