Azəryolservis ASC tərəfindən Xəzər rayonu Zirə qəsəbəsində təmir-tikinti işləri aparılır.

ASC-dən Axar.az-a verilən məlumata görə, təmir-tikinti işləri qəsəbənin uzunluğu 1,8 km, ortalama eni 8 metr olan Ağamalıoğlu, uzunluğu 0,8 km, ortalama eni 11 metr olan Sərdarov və uzunluğu 1,1 km, ortalama eni isə 8 metr olan Əbdülhəsən Babayev küçələrində həyata keçirilir.

Küçələrin köhnə asfalt-beton örtüyü qaşınaraq, ərazidən daşınır. Bunun əvəzinə təqribən 38850 m2 sahəyə bir (6sm) və iki qat (11 sm) olmaqla yeni asfalt beton örtüyünün döşənməsi işlərinin aparılması planlaşdırılır. Bundan başqa bəzi ərazilərdə deformasiyaya uğramış yol yatağı qazılaraq çıxarılıb, təqribən 4 min m2 sahədə yeni yol əsası tikilib.

"Azəryolservis" sözügedən küçələrin təmir işləri zamanı onlarla işsiz qəsəbə sakinini müvafiq işlə təmin edib.

Azəryolservis ASC küçələrin təmiri zamanı yaranan müvəqqəti natrahatlığa görə vətəndaşlardan üzr istəyir və sürücülərdən görülən işlərə anlayışla yanaşmalarını xahiş edir.