Əməkdar artist Röya Ayxanın keçmiş həyat yoldaşı Anar Cəlilovun pulu oğurlanıb.

Axar.az xəbər verir ki, o bu haqda rəsmi İnstaqram səhifəsində məlumat verib. İş adamı bankı onun və yaxınlarının hesabından pul oğurlamaqda ittiham edib:

"Bank Standart"da mənə və yaxın qohumlarıma məxsus hesablardan bizim razılığımız olmadan külli miqdarda (milyonlarla) pul vəsaitinin başqa şəxslərin hesabına köçürülməsi halları baş verib. Bizim razılığımız olmadan hesabımızdakı pullardan kimlərin istifadə etməsi və külli miqdarda pul vəsaitlərinin kimlərin hesabına köçürülməsi barədə məsələlərin aydınlaşdırılması üçün Səbail Rayon Məhkəməsinə iddia ərizəsi ilə müraciət etmişəm. Məhkəmənin qətnaməsi ilə bizim iddia tələblərimiz təmin edilib.

Lakin Bakı Apelyasiya Məhkəməsinin 02.03.2016-cı il tarixli qərarı ilə Səbail Rayon Məhkəməsinin qətnaməsi əsassız olaraq ləğv edilib. Beləcə, bankın bizə məxsus hesablarda olan pul vəsaitlərindən qanunsuz olaraq istifadə etməsi halları ört-basdır olunub".

Qeyd edək ki, Anar Cəlilov və Röya Ayxan 2014-cü ildə boşanıblar.