Tanınmış şair-publisist Faiq Balabəylinin 60 illik yubileyinə həsr olunmuş “Bu ömür yaman tələsdi” adlı kitab nəşr edilib.

Kult.az xəbər verir ki, kitab Şərif Ağayarın redaktorluğu ilə “Qanun” nəşriyyatında nəfis tərtibatla çap olunub.

Kitabda xalq şairi Sabir Rüstəmxanlı, millət vəkili Fazil Mustafa, filologiya elmləri doktorları Vaqif Yusifli, Mahirə Nağıqızı, Azərbaycan Yazıçılar Bilrliyinin katibi İlqar Fəhmi və digər qələm adamlarının Faiq Balabəylinin 60 illik yubileyi ilə əlaqədar ürək sözləri, onun yaradıcılığı haqqında düşüncələri yer alıb.

Qeyd edək ki, Faiq Balabəyli “Eh, ayrılıq, nə yamansan”, “Sənə yazılan şeirlər”, ”Burda darıxmaq olmaz”, “Yaşıl yuxulu dəniz”, “Bayıldan bayıra”, “Kəsilməyən həyəcan fiti”, “Bakı buxtası - 20 Yanvar”, “Yağışdan sonra”, “Bir ovuc kədər”, “Gəmilərin əmniyyətli idarə olunması”, “Xəzərin çirklənmədən qorunması”, “Dənizçilərimiz Vətən müharibəsində”, “Onlar qəhrəmandır” adlı poeziya, nəsr və publisistik kitabların müəllifidir.