13:17

Cəlilabad rayonunda iki minik avtomobili toqquşub.

Axar.az Report-a istinadla xəbər verir ki, hadisə rayonun Uzuntəpə kəndi ərazisində qeydə alınıb.

Qəza zamanı BMV markalı minik avtomobili ilə VAZ-21011 markalı minik avtomobili toqquşub.

Qəza nəticəsində VAZ-2101 markalı minik avtomobilinin sürücüsü Sabir Niftəliyev xəsarət alıb, avtomobildəki sərnişin, 1961-ci il təvəllüdlü Gülsüm Abdullayeva isə dünyasını dəyişib.

***

Cəlilabad rayonunda ölümlə nəticələnən yol qəzasında xəsarət alanların sayı artıb.

TƏBİB-dən bildirilib ki, martın 27-də saat 12:00 radələrində yol-nəqliyyat hadisəsi səbəbilə xəsarət alan 3 nəfər Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

1953-cü il təvəllüdlü (kişi) şəxsə sağ döş qəfəsinin küt travması, sağ diz oynağının sınıqları və çıxıqlar, sağ saidin və əlin arxa səthinin cırılmış yaraları, 1998-ci il təvəllüdlü (kişi) şəxsə sol bazunun küt travması, sıyrılmış yaraları diaqnozu təyin edilib.

Hazırda hər iki şəxsin vəziyyəti qənaətbəxş olaraq qiymətləndirilir.

Bir nəfərin xəstəxanayaqədər ölüm faktı qeydə alınıb.

***

Cəlilabad rayonunda ölümlə nəticələnən yol qəzasında xəsarət alan ikinci şəxsin kimliyi məlum olub.

Məlumata görə, o, 1998-ci il təvəllüdlü Vüsal Abdullayevdir.