Xətai rayonunda "Musiqili Bakı" festivalı çərçivəsində Heydər Əliyev adına istirahət parkının amfiteatr səhnəsində rayon İcra Hakimiyyəti, Mədəniyyət Nazirliyinin, Bakı şəhər Mədəniyyət Baş İdarəsi və YAP Xətai rayon təşkilatının təşəbbüsü, əməkdar artist Nİgar Şabanova və tanınmış ifaçı Vasif Əzimovun iştirakı ilə konsert proqramı təşkil olunub.

Axar.az xəbər verir ki, tədbirə rayon İcra Hakimiyyətinin başçısı Rafiq Quluyev, Milli Məclisin deputatı Vüqar Rəhimzadə, YAP Xətai rayon təşkilatının sədri Ramil Mirzəyev, Vətən müharibəsi qəhrəmanları Nizami Mövlanov, Anar Mirzəyev, Zaur Hüseynov, C. Naxçıvanski adına Azərbaycan Hərbi Liseyin kursantları, şəhid ailələri, qazilər, rayon sakinləri qatılıblar.

Konsertdə incəsənət ustaları tamaşaçılara bir-birindən maraqlı ifalar təqdim ediblər.

Tədbir sakinlər tərəfindən böyük məmnunluq və razılıqla qarşılanıb.