09:43

Bakıda məsciddə qətl törədilib.

Axar.az lent.az-a istinadən xəbər verir ki, hadisə iyulun 26-sı gecə paytaxtın Bülbülə qəsəbəsində yerləşən "İmam Ümmət" məscidində qeydə alınıb.

Bakı şəhər sakini, 1990-cı il təvəllüdlü Nadir Səfərov məscidin namaz otağında yatdığı yerdə öldürülüb. Ona 30-dan çox bıçaq zərbəsi endirilib.

Polisin həyata keçirdiyi tədbirlərlə hadisəni törətməkdə şübhəli bilinən 1996-cı il təvəllüdlü Elvin Məmmədov saxlanılıb. E.Məmmədov Vətən müharibəsi iştirakçısıdır.

Faktla bağlı cinayət işi başlanıb, araşdırma aparılır.

***

Bakıda məsciddə törədilən qətllə bağlı cinayət işi başlanılıb.

Bu barədə Baş Prokurorluğun mətbuat xidmətindən məlumat verilib.

Qeyd edilib ki, iyulun 26-da saat 05 radələrində Suraxanı rayonu, Bülbülə qəsəbəsi ərazisində yerləşən “İmamzadə” məscidində 1990-cı il təvəllüdlü Nadir Səfərovun öldürülməsi barədə rayon prokurorluğuna məlumat daxil olub.

İlkin araşdırmalarla 1996-ci il təvəllüdlü Elvin Məmmədovun bıçaqla xəsarətlər yetirərək Nadir Səfərovu qəsdən öldürməsinə əsaslı şübhələr müəyyən edilib.

Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, E.Məmmədov iş üzrə şübhəli şəxs qismində tutulub.