Son dövrlərdə Xəzər dənizinin səviyyəsində qeydə alınan kəskin enmələr, sahil xəttinin kilometrlərlə geri çəkilməsi ciddi narahatlıq doğurur. Hazırkı vəziyyət dənizin ekosisteminə və region iqtisadiyyatına mənfi təsir göstərməklə yanaşı, gələcəkdə böyük bir ekoloji böhran riski yaradır.

Bəs bu riskləri necə aradan qaldıra bilərik? Xəzəri qorumaq və xilas etmək üçün hansı təxirəsalınmaz addımlar atılmalıdır? Alimlərin 2040-cı ildən sonra səviyyənin qəfil qalxacağı ilə bağlı xəbərdarlıqları nə dərəcədə realdır?

Axar.az xəbər verir ki, mövzu ilə bağlı Teleqraf İnformasiya Agentliyinin suallarını Coğrafiya İnstitutunun şöbə müdiri, coğrafiya elmləri doktoru Səid Səfərov cavablandırıb.