Alman Bundestaqının üzvü Sara Vaqenxnet ölkəsinin Baş nazirini ittiham edərkən deyib: "Anqela Merkel cəsarət və KİŞİLİK nümayiş etdirərək boynuna almalıdır ki, Avropa və Rusiya arasındakı müharibədə o günahkardır".

- "Qaz müharibələri" sübut edir ki, hər bir mayenin sıxılma həddi fiziki qanunlara görə yox, onun sahibinin siyasi dözümünə görə müəyyənləşir!

- Putin Türkiyədə bəyan etdi ki, "Cənub axını" indi coğrafi ünvanından başqa istənilən yerə "axa" bilər!

- Türkiyə prezidentinin yeni iqamətgahına gedərkən dövlət başçılarının maşınlarını müşayiət edən atların mənası budur: Osmanlı hökmdarının hüzurundasınız, cənablar!

- Trubanın orkestrdə tutduğu yer sübut edir ki, onun uğrunda müharibə aparan dövlətlər hansı simfoniyanın çalındığını yaxşı bilirlər!

- Ukrayna hökumətində xarici ölkə vətəndaşlarının təmsil olunması avrotəmirdən çıxmış postsovet ölkələrinin əsil sahiblərinə təqdim olunmasıdır!

- Radaya üzv seçilən kombatlar Ukrayna parlamentini hərbi fraksiyalara bölmüşlər!

- Dolların rubl üzərində tarixi qələbəsi Rusiyanı Ukraynanı hissələrə bölməkdən daşındıra bilmirsə, deməli, yaşıl əsginaslar həm də RUSUN PULUDUR!

- ABŞ-ın keçmiş Müdafiə naziri Robert Qeyts NATO-nun şərqə doğru genişlənməsini "səhv" adlandırıb - ölümlərin sayı genişlənmənin kvadraturasına uyğun olmalıdır!

- Ceyms Psaki İranla yeni müqaviləyə görə, Rusiyanı cəzalandırmaq üçün İranı nüvə silahına layiq görməyi qərara alıb!

- Mübarəkin azadlığa çıxdığını görən Məhəmməd Mursi bəraət almaq üçün xərəyə uzanmağa razılıq verib!

- Poroşenko Yanukoviçin naziri idi. Taleyran kimi "şokolad kralı" da sübut edir ki, Xarici İşlər nazirləri potensial qəbirqazandır!

- Ermənilər Gümrüdə Rusiya ilə dostluq rəmzi olaraq Kalaşnikova heykəl qoyublar. Silaha boyun əyən millətin mükafatı soyqırım olar!

- Dünyada istehsal olunan silahların adambaşına düşən miqdarı tarixi maksimumuna çatıb. Siz də deyirsiz ki, gözəllik insanlığı xilas edəcək!?