Ana səhifə Avto |
Bir neçə gün öncə avtoşluq etdiyi video ilə gündəmə gələn müğənni Kərimin avtomobili cərimə meydançasına salınıb.
Bakı şəhər Dövlət Yol Polisi İdarəsinin bölmə rəisi Vaqif Əsədovun "Avtosfer.az"a verdiyi məlumata görə, Abbasov Kərim Fətulla oğlunun internetdə yayılmış video materialı ilə bağlı araşdırma aparılıb. Nəticədə avqustn 10-da axşam saatlarında onun idarə etdiyi "Leksus" ("Lexus") markalı 90 VF 164 dövlət nömrə nişanlı avtomobili saxlanılaraq cərimə meydançasına aparılıb. Hazırda Kərim Abbasovun törətdiyi inzibati xəta ilə bağlı araşdırma davam etdirilir.
Araşdırmanın nəticəsi ilə bağlı əlavə məlumat veriləcək.
Müğənni Kərim isə bu videonun meneceri olmuş Asim Əliyev tərəfindən çəkildiyini bildirib. Əlavə edib ki, Asimi işdən çıxartdığı üçün bu videonu qisas məqsədilə internetdə yayıb. Lakin Vaqif Əsədov qeyd edib ki, videonun qisas məqsədilə yayılmasından asılı olmayaraq, müğənni Kərim inzibati məsuliyyətə cəlb olunacaq.
Qeyd edək ki, Kərim Abbasov bu avtomobili iyulun 31-də öz adına qeydiyyata aldırıb. Avqustun 7-də onun doğum günü olub, avqustun 10-da isə avtomobili cərimə meydançasına salınıb.
Xatırladaq ki, avtomobilini saatda 210 km/s sürətlə idarə edərkən çəkilmiş videosunu sosial şəbəkədə paylaşan K.Abbasov "Ulduz oldun, belədir. 200-lə getmək lazımdır" sözlərini yazmışdı.
Tarix
2014.08.11 / 22:19
|
Müəllif
Axar.az
|