"AvtoVAZ" Sankt-Peterburq Beynəlxalq İqtisadi Forumunda (SPIEF) “Lada Niva Travel” (E-Niva) avtomobilinin elektrik variantının prototipini nümayiş etdirib.

Axar.az xəbər verir ki, bu barədə RBK məlumat yayıb.

“Bu, Niva Travel əsasında qurulmuş konseptual plandır. Mühərrikin nominal gücü 60 kVt, maksimum gücü 120 kVt-dır. Yürüş məsafəsi 175 km. Akkumulyatorun gücü 34 kVt-dır. Baqajda və oturacaqların arxa sırasının altında iki litium-nikel batareyası var. Orijinal bəzəkli dəri salon, orijinal bamper və orijinal LED faralar quraşdırılıb. Məişət prizindən şarj - 12 saat, üç fazalı çıxışdan - 5,5 saat. Qiymət diapazonu müəyyən edilməyib”, - “Niva” nümayəndəsi bildirib.