1992-ci ildə əks-hücuma başladıq. Kəndlərimizi azad edərək Qarqar çayına qədər irəlilədik və orada mövqe tutduq. Ağdam istiqamətində qüvvələrimiz Dəhrəzə qədər çatmışdı, Xankəndiyə isə cəmi 5 kilometr qalırdı.

Axar.az xəbər verir ki, bu sözləri Axar TV-ə geniş müsahibəsində Azərbaycan müdafiə nazirinin sabiq müavini, Müdafiə Nazirliyinin Baş Əməliyyat İdarəsinin sabiq rəisi, general-mayor Elbrus Orucov bildirib.

“Niyə bizi parçaladılar, vəzifədən azad etdilər? Azad edənin məqsədi nə idi? Gəlin bunu Rəhim Qazıyevdən soruşaq. Niyə görə Rəhim Qazıyev 1993-cü ilin fevralında müdafiə naziri vəzifəsindən imtina etdi? Ardınca onun tabeçiliyində olan zabitlər də “xalq düşməninin adamları” adı ilə vəzifədən uzaqlaşdırıldı. Nazirlikdə tez-tez dəyişikliklər oldu, bir neçə nazir gəldi və getdi. Baş Qərargah rəisi Şahin Musayevi həbs etdilər. Onu daxildə olan düşmənlərimiz edirdi. Fikirləşirdilər ki, Qarabağı verəndən sonra “böyük ləzgistan”, “talış muğan respublikası”, “gəncə xanlığı” yaradacaq, Azərbaycanı parçalayacaqdılar. Xahiş edəcəkdilər ki, rus qoşunları yenə də gəlib otursun çiynimizdə və Azərbaycan xalqını dizi üstə qoysun”, - Orucov bildirib.

Daha ətraflı videoda: