Ucar rayonundakı Asfalt zavodunun müdiri Vaqif Nuriyev və onun müavini Aydın Hüseynov işdən çıxarılıb.

Ucar Rayon İcra hakimiyyəti başçısının müavini, İctimai siyasi və humanitar məsələlər şöbəsinin müdiri Şəhla Abdullayevanın "Axar.az"a verdiyi məlumata görə, Asfalt zavodunun müdiri və müavini bir neçə gün öncə işdən azad edilib:

"Ancaq onların hansı səbəbdən işdən azad olunması barədə məlumatlı deyilik. Çünki bu bizim səlahiyyətimizdə deyil".

Rayon sakinlərinin bildirdiyinə görə, bu vəzifəyə cəmi bir il əvvəl təyin olunan Vaqif Nuriyev və müavini Aydın Hüseynovun nurçudurlar və buna görə də vəzifədən çıxarılıblar.