"Star" qəzeti hökumət ilə Gülən camaatı arasındakı mübarizədə qarşılıqlı sənədlərin yayımlanması ilə davam edir. Ərdoğan ailəsinə aid olduğu iddia edilən və Baş nazirə yaxınlığı ilə seçilən "Star" qəzeti, Ərdoğanı "təşkilatı lideri" kimi qələmə verən Gülən camaatının planından ibarət mətnin bir hissəsini ələ keçirdiyini iddia edib.

Axar.az xəbər verir ki, bu barədə Türkiyənin Radikal qəzeti yazıb.

Ərdoğana qarşı irəli sürülən ittihamla çıxış edən qəzet verdiyi xəbərdə bildirib ki, Baş nazirin adı 2012-ci il 25 dekabr 656 saylı korrupsiya istintaqında hallanır. Bununla belə, Baş nazirin adının olduğu bu sənədin hansı tarixə və qovluğa aid olduğu isə dəqiq göstərilmir.

Xatırladaq ki, bir müddət öncə Zaman qəzeti, "Star" qəzetində yayımlanan və Gülən hərəkatının minlərlə insanın telefonunu dinləməsi ilə bağlı yazılan yazıya cavab olaraq Ərdoğan haqqında bu cür iddialarla çıxış edib.

Telefon dinləmələri ilə bağlı iddiaya qarşı, "Zaman" qəzeti də "dövrün lideri" və "təşkilat rəhbəri" iddiaları ilə Ərdoğana qarşı kompaniya başladıb.