"Roqozinin Bakıya səfəri sırf hərbi sənaye ilə əlaqədar idi".

Bu sözləri Axar.az-a açıqlamasında politoloq Ərəstun Oruclu deyib. O, Rusiyanın Azərbaycan hərbi sənayəsində birdəfəlik kök salmağa çalışdığını bildirib:

"Roqozin Rusiya hakimiyyətində Baş nazirin müavini vəzifəsini tutur və ölkənin hərbi sənaye kompleksini kurasiya edir. Şübhəsiz ki, onun Bakıya səfəri sırf hərbi sənaye ilə əlaqədar idi. Bilirsiniz ki, Azərbaycanın hərbi-sənaye tərəfdaşlığında ən böyük partnyor yenə də Rusiyadır. Bir ara bu balans pozulmuşdu və İsrail önə keçmişdi. Görünür, Rusiya burada birdəfəlik kök salmağa çalışır. Roqozin "birgə müəssələrin yaradılması" təşəbbüsü çox güman ki, əsas hərbi sənaye müəssələridir. Aydındır ki, Roqozin əgər belə bəyanat veribsə, demək, dövlət rəhbərliyi ilə də müzakirələr zamanı eyni təkliflərlə çıxış edib. Burada söhbət əsasən silahın alış-verişindən getmədi; burada məsələ həm də silahın istehsalına aid edildi. Belə bir addım Azərbaycanın yaranmaqda olan yeni hərbi sənayesinin faktiki olaraq Rusiyaya bağlanması demək olardı".