"Postsovet məkanı Rusiyanın ənənəvi maraq dairəsində olan yerlərdir".

Bu sözləri Axar.az-a açıqlamasında rusiyalı politoloq Leonid Savin söyləyib. O, Rusiyanın Qafqazda stabillikdə maraqları olan bütün qüvvələri birləşdirməli olduğunu bildirib:

"Cənubi Qafqazdakı konfliktləri hazırkı beynəlxalq münasibətlər sistemi əsasında həll edə bilməyəcəyik. Ona görə bu məsələyə yanaşmanı dəyişmək lazımdır. Postsovet məkanı Rusiyanın ənənəvi maraq dairəsində olan yerlərdir. Bu səsli-küylü bəyanat deyil, sadəcə adi bir şeydir. Məsələn, Türkiyə də özünün Qafqaz, Mərkəzi Asiya, Afrika, Balkanlar və Yaxın Şərqdə maraqlarının olduğunu açıqlamışdı. Məntiq göstərir ki, Kreml İran da daxil olmaqla Qafqazda stabillikdə maraqlı olan bütün qüvvələri birləşdirməlidir. Qərb təsirinin isə ən yaxşı halda qarşısı alınmalıdır. "Böyük oyun"un başlanmasından öncə anqlosakslar bacardıqları hər şeyi etmişdilər ki, Qafqazda Rusiya üçün tələlər hazırlasınlar. Bu indi də davam edir".