Ana səhifə Gündəm |
"Yüksək rütbəli rus hərbçiləri və məmurlarının Bakiya son günlər səfərləri yaxşı heç nə vəd etmir".
Bu sözləri Axar.az-a açıqlamasında NATO Əməkdaşlıq İnstitutunun rəhbəri Fərrux Məmmədov söyləyib.
O, Qərbin Moskva-Bakı görüşlərini diqqətlə izlədiyini bildirib:
"Bu, Putin təhlükəsinin qapıda olduğundan xəbər verir. Azərbaycan tərəfi isə nədənsə susur. Elə Rusiya Müdafiə naziri Şoyqunun da Bakı səfərində konkret mesajlar Azərbaycan hökumətinə və dövlətinə çatdırılacaq. Artıq mesajlar içərisində Qərb-Rusiya qarşıdurmasına uyğun olaraq açıq təhdidlər var və bunu hər kəs bilir. Qərb bu görüşləri yaxından izləyir və əgər təhlükə pik həddə çatarsa, onda təzyiqlərin qarşısını almaq üçün müdaxilə qaçılmaz olacaq. Rusiyanın bu görüşlərdə Azərbaycan tərəfinə təklifi Qərb və Azərbaycan üçün təhlükəlidir. Avrasiya İttifaqına girmək üçün protokolda olmayan arxa planda yer alan çox ağır və çətin təkliflər var. Əgər Azərbaycan bunları qəbul edərsə, o zaman ölkəmizin bir güllə atılmadan "işğal" olunmasının şahid olacağıq. Qərb bu ağır şərtləri bilir və hələ ki danışıqlar getdiyi üçün müdaxilə etmirik. Lakin danışıqlar pis nəticələrə doğru irəliləyərsə, o zaman Qərb Cənubi Qafqazda yeni siyasi düzən üçün hərəkətə keçəcək".
Tarix
2014.10.14 / 09:38
|
Müəllif
İlkin Həsənov
|