Dərbənd Şəhər Administrasiyasına yaxın müddətdə yeni rəhbər təyin ediləcək.

Bu barədə Axar.az-a Dərbənddəki etibarlı mənbədən məlumat verilib.

Mənbə hazırda Dərbənd rəhbərliyi uğrunda avar və azərbaycanlı klanlarının mübarizə apardığını bildirib. O, Dərbənd rəhbərliyinə irəli sürülən azərbaycanlı namizədin Moskva tərəfindən dəstəkləndiyini deyib. Xanlar Paşabəyov adlı şəxsin Vladimir Putinin partiyası olan Vahid Rusiyanın namizəd olduğu üzə çıxıb.

Onun rəqibi keçmiş ədliyyə naziri Azad Rəhimovdur. Milliyyətcə avar olan Rəhimovu Moskvaya qarşı Dağıstan Prezidenti Ramazan Abdullatipov dəstəkləyir.

Hazırda Dərbənd Şəhər Administrasiyasının rəhbəri vəzifəsini müvəqqəti olaraq milliyətcə azərbaycanlı Mövsüm Rəhimov yerinə yetirir.

Milliyətcə azərbaycanlı olan Xanlar Paşabəyov Kərimbek Paşabəyovun nəvəsidir. Kərimbek Paşabəyov o zaman Dağıstan Mərkəzi Komitəsinin rəhbəri olan Əziz Əliyevlə şəxsən tanış idi. Xanların atası Edison Paşabəyov isə 1982-1994-cü illərdə Dərbənd Şəhər Administrasiyasına rəhbərlik edib.