Ana səhifə Gündəm |
Dərbənd rayon məhkəməsi İmam Yaraliyevə qarşı açılmış cinayət işi ilə əlaqədar istintaqın aparılması qərarını ləğv edib.
Bu barədə Axar.az-a Dərbənd sakinləri məlumat veriblər.
Məlumatda artıq prokurorluğun bu işdən narazı olduğunu və buna görə məhkəmə qərarından şikayət veriləcəyi bildirilir. Sakinlər həmçinin Yaraliyevin yerinə Dərbənd Şəhər Administrasiyasının keçmiş rəhbəri Mövsüm Rəhimovun təyin edilə biləcəyini deyiblər.
Qeyd edək ki, bir müddət öncə Dağıstan Prokurorluğu Dərbənd meri İmam Yaraliyevə qarşı cinayət işi qaldırmışdı. Cinayət işinin qaldırılmasına əsas səbəb kimi onun qanunsuz torpaq paylaması göstərilirdi. Mer bunun sayəsində dövlət büdcəsinə 36 milyon ziyan vurmuşdu.
Onu da xatırladaq ki, İmam Yaraliyev hazırda "Sadval" tərəfindən çox ciddi şəkildə dəstəklənir. Bəzi mənbələr onu "Sadval"ın bölgədəki himayədarı adlandırırlar. Bununla bərabər, Cənubi Dağıstanda ən nüfuzlu siyasətçi olan Yaraliyevin istənilən zaman ləzgi millətçilərinin köməyindən istifadə edəcəyi istisna olunmur.
Tarix
2015.02.20 / 14:19
|
Müəllif
İlkin Həsənov
|