Millət vəkili Asim Mollazadənin Azərbaycan nümayəndə heyəti ilə birlikdə Latın Amerikası ölkələrinə səfəri başlayıb.

Bu barədə Axar.az-a məlumat Demokratlar İslahatlar Partiyasının mətbuat xidmətindən daxil olub.

Görüşlərdə Azərbaycan-Paraqvay münasibətləri, parlamentlərarası əlaqələr müzakirə edilib.

DİP sədri bu əməkdaşlığın daha da genişlənməsində və siyasi əməkdaşlığa çevrilməsində ölkəmizin maraqlı olduğunu qeyd edib. Millət vəkili vurğulayıb ki, Azərbaycanda sahibkarlıq üçün əlverişli imkanlar var və bu, Latın Amerikasından olan sahibkarlar üçün cazibədar ola bilər.

Görüşdə Azərbaycan ərazilərinin 20%-nin Ermənistan tərəfindən işğal olunduğunu, bu işğalın 25 ildir davam etdiyini, 1 milyona yaxın insanın doğma yurd-yuvalarından məcburi köçkün düşdüyünü bildirən deputat Azərbaycan ərazilərinin işğalının başa çatması, bu işğallar zamanı törədilmiş hərbi cinayətlərlə bağlı beynəlxalq hüququn və ədalətin bərpası üçün paraqvaylı həmkarlarından dəstək istəyib.

Qeyd edək ki, Asim Mollazadə Paraqvaydan sonra Uruqvay, Argentina və Çiliyə səfər edəcək.