Türk Hava Yolları (THY) şirkəti bəzi sosial mediada hesablarında Azərbaycana həyata keçirilən planlı uçuşların təxirə salınması ilə bağlı yayılan informasiyanı təkzib edib.

Axar.az xəbər verir ki, bu barədə THY-nin media müşaviri Yəhya Üstün şəxsi Tvitter hesabında bildirib.

Məlumatda qeyd edilir ki, dost və qardaş ölkə, can Azərbaycana olan uçuşlarımız planlı şəkildə həyata keçirilir:

"Bəzi sosial media kanallarında, uçuşlarımızın təxirə salınması ilə bağlı paylaşılan məlumatlar həqiqətə uyğun deyil".