Ana səhifə Gündəm |
Azərbaycan, Ermənistan və Rusiya hökumət başçıları müavinlərinin Moskvada keçiriləcək görüşündə kommunikasiyaların blokadadan çıxarılması məsələsi müzakirə ediləcək.
Axar.az xəbər verir ki, bunu Ermənistan Baş nazirinin müavini Mqer Qriqoryan deyib.
O, görüşdə üç liderin 11 yanvar tarixində qəbul etdikləri birgə bəyanatın müzakirəsinin də planlaşdırıldığını qeyd edib:
“Ətraflı gündəliyin formalaşdırılması üçün daha bir görüş keçirmək lazım olacaq. Hazırda yalnız bəyanatın 4-cü bəndinin müzakirə mərkəzində olacağı məlumdur”.
Qriqoryan blokadanın ləğvinin çox çətin proses olduğunu desə də, məsələlərin həllini mümkün hesab etdiyini vurğulayıb.
Qeyd edək ki, yanvarın 30-da Moskvada Azərbaycan Baş nazirinin müavini Şahin Mustafayev, Rusiya hökuməti sədrinin müavini Aleksey Overçuk və Ermənistan Baş nazirinin müavini Mqer Qriqoryanın görüşü keçiriləcək.
Tarix
2021.01.28 / 15:13
|
Müəllif
Xədicə Nəbiyeva
|