Axar.az
Yuxarı

Putinin gizli Qarabağ planı reallaşır – Prezidentlərin görüşü

Ana səhifə Gündəm
12 Punto 14 Punto 16 Punto 18 Punto

Moskva görüşü Dağlıq Qarabağla bağlı bir çox məsələlərin müzakirəsində kuliminasiya rolunu oynaya bilər.

Bu sözləri Axar.az-a açıqlamasında Azərbaycan-Türkiyə-Rusiya prezidentlərinin gözlənilən Moskva görüşünü şərh edərkən politoloq Qabil Hüseynli deyib.

Sabiq dövlət müşaviri bu görüşü bir çox önəmli məsələlərin müzakirəsi baxımından nikbin qiymətləndirib:

"Görüş məscid açılışına həsr edilsə də, siyasi məsələlərin müzakirəsi və ikitərəfli görüşlərin keçirilməsi planlaşdırılır. Xüsusilə də Azərbaycan və Rusiya prezidentlərinin görüşünün bu məqamda xüsusi əhəmiyyət daşıdığını müşahidə edirik. Moskvada Qarabağ probleminin həlli ilə bağlı mühüm məsələlərin müzakirəsi ön planda olacaq. Dağlıq Qarabağ hüdudlarından kənarda olan yeddi rayonun Azərbaycana qaytarılması haqqında texniki məsələlər və bu istiqamətdə iki ölkə arasındakı qarışılıqlı münasibətlər ətraflı müzakirə ediləcək. Xəbərlərdə bildirilir ki, yeddi rayonun qaytarılması ilə bağlı Putinin xüsusi planı var. Bu planda həm Ermənistanın, həm də Azərbaycanın bundan sonra həyata keçirəcəyi bir sıra tədbirlərin öz əksini tapdığı ehtimal edilir. Eyni zamanda, nəticələrin alınması üçün Putinin çox ciddi niyyətlərdə olduğu söylənilir. Buna görə bu görüş bir çox məsələlərin müzakirəsində kuliminasiya rolunu oynaya bilər. Ərdoğanla Putinin ikitərəfli görüşündə əsasən Yaxın Şərq və Suriya probleminin müzakirəsi gözlənilsə də, Türkiyə prezidenti Qarabağ məsələsindən də söz açacaq".

Politoloq Moskva görüşünün BMT-nin 70-ci sessiyası ərəfəsinə təsadüf etməsini postsovet məkanı və Yaxın Şərqdəki münaqişələrin həlli baxımından da əhəmiyyətli hesab edir:

"Çox güman ki, Moskva Bakını öz tərəfinə çəkmək və gələcəkdə özünün Avrasiya Birliyində və Gömrük İttifaqında görmək üçün yeddi rayonun Azərbaycana qaytarılması istiqamətində maksimum səylər göstərəcək. Bu görüş həm də Qərbin Cənubi Qafqaza girişini önləmək və Azərbaycanla birlikdə strateji əməkdaşlığı daha yüksək səviyyəyə qaldırmaq məqsədi daşıyır. Hər halda, görüşlərin nəticələri ilə bağlı baxışlar olduqca nikbindir".

Qeyd edək ki, sentyabrın 23-də Putinlə Ərdoğan Moskvada Mərkəzi Məscidin açılışını edəcəklər. Açılış mərasiminə bir neçə ölkənin lideri, eləcə də Azərbaycan Prezidenti İlham Əliyevin qatılacağı gözlənilir.

Tarix
2015.09.23 / 13:05
Müəllif
Aygün Yusibova
Şərhlər
Digər xəbərlər

Kərim Vəliyev Polad Həşimovun məzarı önündə - Video

Bakının işğalından sonra 15 general... - Misir mətbuatı

Azərbaycan Ordusu tarix yazdı – Yücel Karauz

Ərdoğanın baş müşaviri Azərbaycanı təbrik etdi

Zakir Həsənov Azərbaycan Ordusunu təbrik etdi

Mehriban Əliyevadan Ordu günü ilə bağlı paylaşım

Afina səfərindən imtina edib, Türkiyəyə gəldi – Səbəb

Azərbaycan-Rusiya sərhədində buraxılış gücü artırılır

Bayramovdan Ordu Günü ilə bağlı paylaşım

Ordumuzun yaranmasından 104 il ötür

KULT
<>
Xəbər xətti
Axar.az'da reklam Bağla
Reklam
Bize yazin Bağla