Ermənistan, Azərbaycan, Almaniya, Fransa və AB liderlərinin oktyabrın 5-də Qranadada keçiriləcək görüşünün nizamlanmada irəliyə doğru addım olacağına ümid edirəm.

Axar.az xəbər verir ki, bunu Ermənistan parlamentinin spikeri Alen Simonyan deyib.

“Ermənistan Nikol Paşinyan və İlham Əliyevin razılaşdırdığı və Avropa Şurasının rəhbəri Şarl Mişel tərəfindən formalaşdırılan sülh yanaşmasını qətiyyətlə dəstəkləyir. Ermənistan regionda uzunmüddətli sülh gündəminə sadiq qalmaqda davam edir və bəyan edib ki, İrəvan ərazi bütövlüyü və yurisdiksiyaya qarşılıqlı hörmət əsasında kommunikasiyaların açılmasını alqışlayır”, - Simonyan bildirib.