Ermənistan mətbuatı Müdafiə Nazirliyinə qarşı sərt tələblə çıxış edib.

Axar.az "Kavkaz Onlayn"a istinadən sözügedən mətni təqdim edir:

"Məlum olduğu kimi, heç bir müharibə insan tələfatı olmadan ötüşmür.

Azərbaycan Müdafiə Nazirliyi öz itkiləri haqda açıqlama ilə çıxış etdi. Və biz ermənilər də məlum səbəblərə görə öz itkilərimiz haqda dəqiq məlumat əldə etmək istəyirik.

Lakin bizim əlimizdə olan məlumatlar tam deyil. Erməni jurnalistləri tibb mərkəzlərindən, kilsələrdən, təsadüfi şahidlərdən məlumat almaq məcburiyyətindədir.

Hadisə şahidləri isə dəhşətli şeylər danışır: yaralıları daşımaq üçün helikopterlərin kifayət etmədiyi, yaralıların avtobillərlə daşındığı, qardaşlarımızın yolda öldüyü, xəstəxanaların yaralıları qəbul etmək üçün kifayət qədər həkimi və dərmanları olmadığı bildirilir.

Bu söylənilənlərdən bəziləri hadisə şahidlərinin yaşadığı psixoloji şokla bağlı olaraq şişirdilə bilər, amma burda həqiqət var.

Kritik situasiyalarda həmişə informasiyanın subyektivliyinə rast gəlinir. Lakin həqiqətləri bilmək xalqın haqqıdır.

Hardadır bizim Müdafiə Nazirliyinin rəsmi açıqlaması? Yoxdur. Kabinet siçovulları ağızlarına su alıblar.

Bu məlumatsızlıq təkcə yaxın və doğmaların narahatlığına səbəb olmur, həm də xalqın vətənpərlik hissinə mənfi təsir göstərir.

Bununla yanaşı məlumatsızlıq informasiya müharibəsində məğlub olmağımız üçün şərait yaradır.

Həqiqət acı olsa da, onu bilməliyik".