Müharibənin ilk saatlarından onminlərlə ukraynalı öz torpaqlarını müdafiə etmək üçün silaha sarıldı. Bütün sivil dünya Ukraynanın tərəfini tutdu və biz tərəfdaşlarımıza göstərdikləri kömək və verdikləri dəstəyə görə ürəkdən minnətdarıq.

Axar.az xəbər verir ki, bunu Ukraynanın Azərbaycandakı səfiri Yuri Qusev deyib.

“2022-ci il fevralın 26-da Azərbaycandan humanitar yardım daşıyan ilk təyyarənin Polşaya eniş etdiyini hər zaman xatırlayacağıq. Cəmi bir neçə gün əvvəl enerji sistemimizi bərpa etmək üçün Azərbaycandan elektrik avadanlıqlarının daha bir partiyası Ukraynaya gəldi. Biz bunu yüksək qiymətləndiririk və həmişə xatırlayacağıq”, - müraciətdə qeyd olunub.