Vəkillər Kollegiyasının sabiq üzvü Adəm Məmmədov və qardaşı Xəyyam Məmmədovun barəsində olan hökmdən verilən apellyasiya şikayətinə baxılıb.

Axar.az Teleqraf-a istinadən xəbər verir ki, Bakı Apellyasiya Məhkəməsində keçirilən prosesdə qərar elan olunub. Qərara görə, şikayət təmin olunmayıb.

Qeyd edək ki, Adəm Məmmədov Cinayət Məcəlləsinin 147.2- ci (böhtan) və 148-ci (təhqir) maddəsi ilə təqsirli bilinib və 6 ay müddətə azadlıqdan məhrum edilib.

Onun qardaşı Xəyyam Məmmədov da eyni əməllərlə təqsirli bilinib və ona 6 ay müddətə islah işləri cəzası verilib.

Xatırladaq ki, Adəm Məmmədovun təsisçi və qardaşının baş redaktor olduğu saytda VK üzvü Ceyhun Yusifovun haqqında yalan məlumatlar yerləşdirilib.