19:26

"Port Baku"da yanğın baş verib.

Axar.az xəbər verir ki, bu barədə görüntülər sosial şəbəkələrdə yayılıb.

Yanğın binada yerləşən mənzillərdən birində qeydə alınıb. Hazırda yanğının söndürülməsi istiqamətində tədbir görülür.

***

Səbail rayonu ərazisində yerləşən çoxmərtəbəli yaşayış binasında baş verən yanğının qarşısı alınıb.

Bu barədə Fövqəladə Hallar Nazirliyindən məlumat verilib.

Bildirilib ki, məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.

Yanğınsöndürənlərin və yaşayış binasının texniki heyətinin operativ müdaxiləsi sayəsində çoxmərtəbəli yaşayış binasının 10-cu mərtəbəsində yerləşən vətəndaşa məxsus mənzildə baş vermiş yanğın genişlənməsinə imkan verilmədən qısa müddətdə söndürülüb.

Xəsarət alan olmayıb.