İngiltərənin Qərbi Midlands bölgəsinin bir neçə ərazisində güclü yanğın başlayıb.

Axar.az xəbər verir ki, bu barədə BBC məlumat yayıb.

Məlumata görə, yanğınlar Stourbric və Uorvikşir ərazilərində qeydə alınıb. Bölgə sakinlərinə evlərində qalmaları və yanğın olan ərazilərdən uzaq durmaları tövsiyə edilib.

Stourbric qolf meydançası yaxınlığında, “Racecourse Lane” ərazisindəki otlaq ərazidə yanğının söndürülməsinə 60-a yaxın yanğınsöndürən cəlb olunub. Yanğınsöndürmə xidməti alovun bəzi ərazilərdə yolları keçərək yayılmaqda olduğunu bildirib və insanları hadisə yerindən uzaq durmağa çağırıb. Yanğın səbəbindən evlərini tərk etmək məcburiyyətində qalan sakinlər üçün Stourbric şəhər zalında müvəqqəti yardım mərkəzi yaradılıb.