Bu gün Şəkidə Azərbaycanın Milli Qəhrəmanı, telereportyor Çingiz Mustafayevin doğum günü münasibətilə Çingiz Mustafayev adına Fond, "Dad" şirkəti, ANS Şirkətlər Qrupu və "Balans" Kinostudiyasının təşkilatçılığı ilə Çingiz Klubunun nəzdindəki əsasli təmir olunan kinoteatrın açılış mərasimi oldu.

Kult.az xəbər verir ki, açılış mərasimində Azərbaycan Milli Kino və Animasiyaya Dəstək Layihəsinin Kollegiya üzvləri Cənnət Səlimova, Oqtay Mirqasımov, əməkdar incəsənət xadimi, kinoşünas Ayaz Salayev, ANS Şirkətlər Qrupunun prezidenti Vahid Mustafayev, Şəki Şəhər İcra Hakimiyyətinin başçısı Elxan Usubov, qonşu rayonların rəsmiləri, mədəniyyət xadimləri və mətbuat nümayəndələri iştirak edib.

Tədbiri giriş sözü ilə acan Vahid Mustafayev bildirdi ki, ANS Şirkətlər Qrupu fəaliyyət göstərən gündən həmişə Azərbaycan xalqına xidməti ön sırada görüb:

"Səki şəhərində bir neçə ildir fəaliyyət göstərən Çingiz Mustafayev adına klub tamaşaçilara kino sahəsində xidmət göstərir. Onun nəzdindəki kinoteatrın təmirə ehtiyacı vardi. Həmin kinoteatrın əsaslı təmiri, müasir standartlara uyğun avadanlıqlarla təmin olunması ilə tamasaçılar daha yuksək səviyyəli xidmət görəcəklər. Biz ANS olaraq, həmişə xalqımıza xidmət etməkdən qürur duymuşuq. İstər bu cür layihələr, istər Azərbaycan xalqının döyüşkən, mubariz ruhunu əks etdirən digər layihələr, istərsə də jurnalist kimi xidmətlərimizi bu xalqın yolunda sərf etməkdən qürur duymuşuq, yorulmamışıq, bundan sonra da yorulmadan bu cür xidmətlər gostərməkdən qürur duyacağıq".

Əməkdar incəsənət xadimi Oqtay Mirqasımov isə Çingiz Mustafayevin döyüş yolundan danışdı:

"Çingiz Mustafayevlə işlədiyimiz müddətdə onu çalışqan insan kimi tanımışam. Döyüşkən ruhuyla da özünə hörmət qazanan Çingiz yeganə səxsdir ki, öz ölümünü lentə alıb. Bu onun igidliyidir. Dünyanın heç bir yerində öz ölümünu çəkən ikinci operator yoxdur. O, həm də vətənpərvər ruhlu idi. Onun belə keyfiyyətləri bu gün adının əbədiləşdirilməsinə imkan yaratdı".

Şəki Şəhər İcra Hakimiyyətinin başçısı Elxan Usubov isə Çingiz Mustafayevin xidmətləri barədə danışdı, başçılıq etdiyi rayonda onun adının əbədiləşdirilməsi üçün bu cür layihələrin həyata keçirilməsindən qürur duyduğunu bildirdi.

Azərbaycan Milli Kino və Animasiyaya Dəstək Layihəsinin Kollegiya üzvü, rejissor Cənnət Səlimova bu cür ideyanı həyata keçirdiyinə görə Şəki sakinlərinə və ANS Şirkətlər Qrupunun prezidenti Vahid Mustafayevə təşəkkür etdi:

"Çox şadam ki, insanların, mədəniyyətin, dilimizin qayğısina qalan Vahid kimi vətəndaşımız var. Bu layihəni ona hec kim sifariş etməyib. Bu, Vahid Mustafayevin öz təşəbbüsüdur".

Çıxısların sonunda tamaşıçalara "Balans" studiyasında dublyaj edilmiş, Azərbaycandakı şivələrdən istifadə olunan və məşhur müğənnilərimizin ifasında yenidən yazılan "Fatmagülün sirri nə" animasiya filmi və uduşlu zərf təqdim olundu. Qalib gələnlər iki ay müddətində kinoteatrda filmləri pulsuz seyr edə biləcəklər.

Çingiz Klubunun nəzdində fəaliyyət göstərən kinoteatr iki zaldan - VİP və 104 tamaşaçı yeri olan böyük zaldan ibarətdir. Kinosevərlər gündə 5 dəfə film izləyə biləcəklər.

Seans saatları 11:00,14:30,16:30,19:00, 21:30-dur.

Çingiz Klubunda kinoteatrdan basqa, rəsm qalereyası, muzey və müxtəlif dərnəklər fəliyyət göstərir.