Daxili İşlər Nazirliyinin sabiq əməkdaşı, təqaüddə olan polis polkovniki Şəhriyar Cəfərov 57 yaşında vəfat edib.

Axar.az xəbər verir ki, bu barədə Teleqraf-a onun yaxınları məlumat verib.

Ş.Cəfərov trombdan qəfil dünyasını dəyişib.

Mərhum Sumqayıt şəhər qəbiristanlığında dəfn olunub.

Qeyd edək ki, Şəhriyar Əliş oğlu Cəfərov 1968-ci il martın 7-də Sumqayıt şəhərində anadan olub. Əslən Qubadlı rayonunun Tatarlı kəndindəndir. O, 20 ildən çox daxili işlər orqanlarında çalıb. Bir ay əvvəl təqaüdə çıxıb.

Ş.Cəfərovun iki övladı var. Biri Azərbaycan Tibb Universitetini bitirib, digəri isə ADA Universitetində təhsil alır.

Ş.Cəfərovun atası Əliş Cəfərov vaxtilə Sumqayıt Boru-Prokat Zavodunun direktoru işləyib.