Ola bilsin ki, hamı yox, amma yəqin ki, azarkeşlərin 70 faizi mənə hörmət etməyə başlayacaq.

Axar.az Oxu.az-a istinadla xəbər verir ki, bunu azərbaycanlı UFC döyüşçüsü Rafael Fiziyev Çarlz Oliveyra ilə bağlı döyüş haqqında "AgFight"a açıqlamasında deyib.

Tanınmış idmançı döyüşün Braziliyanın Rio-de-Janeyro şəhərində keçirilməsinə münasibət bildirib:

"Mən döyüşə 100% hazıram və buna görə doğulmuşam. Bu, məni motivasiya edir. Publikanın məni sevməməsi daha çox xoşuma gəlir. Belə anlarda düşünürəm: "Ah, doğrudanmı? İndi sizin idmançını məğlub etmək üçün əla şansım var. Bundan sonra hamı məni sevməyə başlayacaq. Ola bilsin ki, hamı yox, amma yəqin ki, azarkeşlərin 70 faizi mənə hörmət etməyə başlayacaq. Bu düşmənçilik atmosferi məni daha çox həvəsləndirir, buna görə də mən pis adam olmağı xoşlayıram, çünki bu, bəzən sizi çox rahatlaşdıra bilər".

Qeyd edək ki, Fiziyevlə Oliveyra arasında döyüş oktyabrın 11-də Rioda keçiriləcək UFC turnirində baş tutacaq.