FİFA DÇ-2026-nın rəsmi maskotlarını təqdim edib.

Axar.az Qol.az-a istinadən xəbər verir ki, bunlar turnirə ev sahibliyi edəcək üç ölkəni təmsil edən maskotlardır.

Kanadanı Meypl adlı sığın təmsil edir. Meksikanı maskotu yaquar Zayyudur. ABŞ isə Klatç adlı ağbaşlı qartalla təmsil olunur.

Qeyd edək ki, 2026-cı il dünya çempionatında hər biri 4 komanda olmaqla 12 qrupa bölünən 48 milli komanda iştirak edəcək. İlk iki yeri tutan komanda, üçüncü yeri tutan səkkiz ən yaxşı komanda ilə birlikdə pley-off mərhələsinə yüksələcək. Bundan əlavə, 2026-cı il dünya çempionatına yeni mərhələ - 1/16 final əlavə olunacaq.