UFC-nin iki çəki kateqoriyasında keçmiş çempionu Konor Makqreqor antidopinq qaydalarını pozduğuna görə 18 ay müddətinə diskvalifikasiya edilib.

Axar.az xəbər verir ki, qurumun mətbuat xidmətinin məlumatında deyilir.

Bildirilib ki, Makqreqor 2024-cü ildə (13,19 və 30 sentyabr) üç dopinq testindən keçə bilməyib.

Belə ki, o, olduğu yer barədə dəqiq informasiya verməyib.

Diskvalifikasiya müddəti 20 sentyabr 2024-cü ildə başlayır və 20 mart 2026-cı ildə başa çatır.

Bu cür pozuntuya görə qanun pozuntusunun standart müddəti iki ildir, lakin Makqreqorun cəzası bir sıra yüngülləşdirici hallara görə azaldılıb.