Bizi çox önəmli və gərgin oyun gözləyir. Rəqibimiz bəllidir — son illərin ən güclü komandalarından biridir. Bilirik ki, bu komandada ulduz futbolçular çıxış edir. Biz də oyuna ciddi hazırlaşmışıq.

Axar.az xəbər verir ki, bunu Azərbaycan millisinin baş məşqçisi Ayxan Abbasov Fransaya qarşı keçiriləcək oyun barədə danışarkən deyib.

“Son matçdan sonra futbolçularımızın böyük komandalara qarşı mübarizəsi önəmlidir. Sabah da rəqibə azarkeş dəstəyi olacaq. Amma oyunçularım mübarizədən çəkinməyəcəklər, bütün güclərini meydanda qoyacaqlar. Fransa illərdir eyni məşqçinin rəhbərliyi altında çıxış edir. Bu cür komandaya qarşı oynamaq özü motivasiyadır”, - A.Abbasov qeyd edib.