"Real" futbolçusu Kilian Mbappenin Fransa millisinin heyətində Azərbaycanla oyunda (3:0) zədələnməsinə görə narazıdır.

Axar.az xəbər verir ki, bu barədə "Marca" məlumat yayıb.

Hücumçu daha əvvəl də ayaq biləyindən zədə almışdı və bu, onun bütün həftə məşqləri dayandırmasına səbəb olmuşdu. Lakin forvard ötən gün Azərbaycanla matçda 80 dəqiqə meydanda olub və daha sonra sıradan çıxıb.

Madrid təmsilçisi isə buna görə Fransa millisinin məşqçilər heyətinə qəzəblənib. Klub 26 yaşlı hücumçunu riskə atmağın lazımsız olduğunu düşünür.

Qeyd edək ki, Mbappe Azərbaycanla görüşdə komandasının ilk qolunun müəllifi olub.