Bakı Olimpiya Stadionunun (BOS) ot örtüyü gələn il yenilənəcək.

Axar.az xəbər verir ki, bu barədə BOS-un Mətbuat Xidmətindən Oxu.az-a məlumat verilib.

Bildirilib ki, arena gələn ilin may ayında baş tutacaq Ümumdünya Şəhərsalma Forumu (WUF13) tədbirindən sonra yenidən təmir ediləcək:

"Bakı Olimpiya Stadionunun ərazisində üç təbii ot örtüklü ehtiyat meydança və bir mərkəzi arena mövcuddur. Hazırda üç ehtiyat meydança klublarımız tərəfindən istifadə olunur. Mərkəzi arena gələn il baş tutacaq WUF13 tədbirindən sonra yenidən təmir ediləcək. Sözügedən tədbirlə bağlı hazırlıq işlərinə bir müddətdir start verilib.

Növbəti aydan tikinti işlərinin başlanması planlaşdırılır. BOS hər zaman böyük tədbirlərə ev sahibliyi edib və minlərlə insanı bura toplayıb. Bu ənənə növbəti illərdə də davam edəcək".