Qarşıdakı illərdə bunun kimi yarışlarda daha yaxşı nəticələr əldə etmək üçün çalışacağıq. Milli komandada keçirəcəyim karyeram boyunca bu mundialı (DÇ-2026 – red) unutdurmaq üçün əlimdən gələni edəcəyəm.

Axar.az xəbər verir ki, bunu futbol üzrə Türkiyə milli komandasının üzvü Arda Gülər deyib.

“Düzdür, çox böyük klublarda oynayırıq. Bunu yaşıl meydanda göstərməyimiz vacib idi, hər iki oyunda da qol vura bilmədik. Biz böyük bir utanc hissi keçiririk, xalqımızdan üzr istəyirik. Erkən dəqiqələrdə qapımızda qol gördük. Bu heç planda yox idi”, - futbolçu əlavə edib.

Qeyd edək ki, Türkiyə millisi DÇ-2026-nın ikinci turu çərçivəsində Paraqvay komandasına uduzaraq mundialla vidalaşıb. İlk oyunda isə Avstraliya millisinə 2-0 məğlub olmuşdu.