00:00

Futbol üzrə dünya çempionatının Braziliya - Norveç oyunu başlayıb.

Axar.az xəbər verir ki, 1/8 final mərhələsinin matçı Nyu-York/Nyu-Cersi stadionunda keçirilir.

Qarşılaşmanı amerikalı FİFA referisi İsmail Elfat idarə edir.

***

Braziliya - Norveç oyununda ilk qol vurulub.

Avropalılar hesabda irəli çıxıblar - 0:1.

79-cu dəqiqədə Erlinq Holann rəqib qapısına yol tapmağı bacarıb.

***

90-cı dəqiqədə E.Holann ikinci qoluna imza atıb: 0-2

***

Futbol üzrə dünya çempionatında Norveç Braziliyanı məğlub edib.

Nyu-York/Nyu-Cersi stadionunda keçirilən 1/8 final mərhələsinin matçında avropalılar 2:1 hesablı qələbəyə seviniblər.

Norveçin heyətində Erlinq Holann (79, 90) dubl edib. "Sambaçılar"ın təsəlli qoluna isə 90+10-cu dəqiqədə penaltidən Neymar imza atıb.

Bu qələbə ilə 1/4 finala yüksələn Norveçin rəqibi Meksika - İngiltərə cütünün qalibi olacaq.