Komandada müəyyən çatışmazlıqlar var. Buna baxmayaraq, hazırlıqlarımız pis getmir. İstəyirik ki, azarkeşlərimizə yaxşı oyun göstərək.

Axar.az xəbər verir ki, bu sözləri “Qarabağ”ın baş məşqçisi Qurban Qurbanov UEFA Avropa Liqasının I təsnifat mərhələsində İslandiyanın “Vestri” klubu ilə keçiriləcək ilk oyundan öncə təşkil olunmuş mətbuat konfransında deyib.

"Mövsümə yeni başlamışıq və heyətdə müəyyən yeniliklər olduğu üçün uyğunlaşma prosesi davam edir. Hazırda bəzi çatışmayan məqamlar mövcuddur, lakin komandanın hazırlıq səviyyəsi bizi qane edir. İnanırıq ki, qarşıdakı dövrdə bütün çatışmazlıqları aradan qaldıracağıq. Məqsədimiz güclü komanda formalaşdırmaq və uğurlu nəticələrlə azarkeşlərimizin etimadını doğrultmaqdır", - Q.Qurbanov söyləyib.

Qeyd edək ki, Tofiq Bəhramov adına Respublika Stadionunda oynanılacaq matç sabah saat 20:00-da başlayacaq.